அதன்படி தமிழ்நாடு, கர்நாடகா மற்றும் புதுச்சேரி மாநிலங்களில் இருந்தும், தமிழ்நாட்டின் பல்வேறு பகுதிகளில் இருந்தும் ஏராளமான பக்தர்கள் நேற்று முன்தினம் காலை கோவிலுக்கு கூட்டம் கூட்டமாக வரத்தொடங்கினர். பின்னர் அவர்கள் அனைவரும் இரவு கோவில் வளாகத்திலேயே தங்கி வழிபாடு செய்ய வனத்துறையினர் அனுமதி வழங்கினர். இதனால் ஏராளமான பக்தர்கள் கோவில் வளாகத்தில் தங்கி ஆடு மற்றும் கோழிகளை பலியிட்டு சாமிக்கு நேர்த்திக்கடன் செலுத்தினர். மேலும் பொங்கல் வைத்து சாமிக்கு படைத்து வழிபட்டனர். கடந்த ஆண்டை விட பக்தர்கள் வருகை இந்த ஆண்டு அதிகமாக இருந்ததாக கோவிலுக்கு வந்த பக்தர்கள் தெரிவித்தனர்.