இந்த நிலையில் மேலும் சுமார் 200-க்கும் மேற்பட்டவர்கள் வரிசையில் நின்றிருந்தனர். உடனே அவர்களுக்கு இன்று (ஞாயிற்றுக்கிழமை) காலை 10 மணி முதல் 12 மணி வரை மது வாங்க வசதியாக 140 பேருக்கு டோக்கனை முன் கூட்டியே வழங்கி அனுப்பி வைத்தனர்.

இதேபோல் நடைக்காவு பகுதியிலும் கூட்டம் காலை முதலே அலைமோதியது. கூட்டத்தை பார்த்த போலீசார் மதுக்கடைக்கு அருகில் உள்ள ஒரு மைதானத்தில் மது பிரியர்களை வரிசையில் உட்கார வைத்து பத்து நபர்கள் வீதம் டோக்கன் வழங்கப்பட்டு மது வாங்க கடைக்கு வரிசையாக அனுப்பி வைத்தனர்.

நடைக்காவு பகுதியில் உள்ள கடைக்கு பகல் 2 மணியளவில் முதியவர் ஒருவர் டோக்கன் வாங்க வரிசையில் அமர வந்தார். அவர் மது வாங்க வந்த போது முகக்கவசம் அணிந்திருந்தால் தான் மது வழங்குவார்கள் என கூறி உள்ளனர். உடனே கைவசம் எந்த முகக்கவசமும் இல்லாததால் அருகில் உள்ள ஒரு கடையில் ஓடி சென்று ஒரு பிளாஸ்டிக் கவரை வாங்கி முகக்கவசமாக அணிந்து வந்தது வரிசையில் உட்கார்ந்திருந்த அனைவரையும் சிரிப்பில் ஆழ்த்தியது. ஆனால் அவர் அதை பொருட்படுத்தாமல், அந்த கவர் முகக்கவசத்துடனேயே நீண்ட நேரம் வரிசையில் அமர்ந்து இருந்து மது வாங்கி சென்றார்.