இந்த நிலையில் தொற்று குறையத்தொடங்கிய பின்னர் இறப்பு எண்ணிக்கையும் குறைந்து கொண்டே வந்தது. 4 மாவட்டங்களில் ஏதாவது ஒரு மாவட்டத்தில் உயிரிழப்பு இருந்து வந்தது. இந்த நிலையில் 3 மாதங்களுக்குப்பிறகு நேற்று டெல்டா மாவட்டங்களில் கொரோனாவால் உயிரிழப்பு இல்லை என்ற நிலை காணப்பட்டது. இது டெல்டா மாவட்ட மக்களுக்கு ஆறுதல் அளிக்கும் செய்தியாக உள்ளது.

நேற்று டெல்டா மாவட்டத்தில் 176 பேருக்கு தொற்று ஏற்பட்டது. தஞ்சை மாவட்டத்தில் 102 பேரும், திருவாரூர் மாவட்டத்தில் 24 பேரும், மயிலாடுதுறை மாவட்டத்தில் 20 பேரும், நாகை மாவட்டத்தில் 30 பேரும் பாதிக்கப்பட்டு இருந்தனர். ஒரே நாளில் 234 பேர் குணமடைந்து வீடு திரும்பினர். தஞ்சையில் 152 பேரும், திருவாரூரில் 33 பேரும், மயிலாடுதுறையில் 28 பேரும், நாகையில் 21 பேரும் குணமடைந்து வீடு திரும்பினர்.

தஞ்சை மாவட்டத்தில் இதுவரை 66 ஆயிரத்து 814 பேருக்கு தொற்று ஏற்பட்டுள்ள நிலையில் 834 பேர் உயிரிழந்துள்ளனர். திருவாரூர் மாவட்டத்தில் 37 ஆயிரத்து 508 பேர் பாதிக்கப்பட்டுள்ள நிலையில் 363 பேர் உயிரிழந்துள்ளனர். மயிலாடுதுறை மாவட்டத்தில் 20 ஆயிரத்து 733 பேர் பாதிக்கப்பட்டுள்ள நிலையில் 266 பேர் உயிரிழந்துள்ளனர். நாகை மாவட்டத்தில் 18 ஆயிரத்து 387 பேர் பாதிக்கப்பட்டுள்ள நிலையில் 286 பேர் உயிரிழந்துள்ளனர் என்பது குறிப்பிடத்தக்கது.