திருச்சி ஸ்ரீரங்கம் சட்டமன்ற தொகுதியில் அ.தி.மு.க. சார்பில் போட்டியிடும் வேட்பாளர் கு.ப.கிருஷ்ணன் நேற்று அந்தநல்லூர் ஊராட்சி ஒன்றியத்தில் உள்ள உத்தமர்சீலி, பனையபுரம், கிளிக்கூடு, கவுத்தரசநல்லூர் உள்ளிட்ட பகுதிகளில் வாக்குகள் சேகரித்தார். அப்போது அவருக்கு உற்சாகத்துடன் ஆரத்தி எடுத்து ஏராளமான பெண்கள் வரவேற்றனர்.

அப்போது வேட்பாளர் கு.ப.கிருஷ்ணன் பேசுகையில், லால்குடி கூகுர் முதல் கிளிக்கூடு வரை கொள்ளிடத்தில் தரைப்பாலம் அமைத்து தரப்படும் என்றுதெரிவித்தார். மேலும் அ.தி.மு.க. வெற்றி சாதனைகள் குறித்து பேசுகையில், தாலிக்கு தங்கம் வழங்கும் திட்டம் தமிழ்நாட்டில் மட்டும்தான் உள்ளது. திருச்சி கிளிக்கூடு முதல் தஞ்சை மாவட்டம் வரை அ.தி.மு.க. அரசால் தான் சாலைகள் அமைக்கப்பட்டது. கொரோனா காலங்களில் பள்ளி மாணவர்களுக்கு கட்டாய விடுப்பு கொடுத்ததின் காரணம், மாணவர்கள் மூலம் நோய்கள் வரகூடாது என்ற காரணத்தினால் மட்டுமே. மு.க.ஸ்டாலின் தன்னை விவசாயி என்று கூறிக்கொள்கிறார். விதை நெல்லை எப்போது விதைக்க வேண்டும். எப்போது பறித்து நட வேண்டும். எப்போது அறுவடை செய்யவேண்டும் என்று தெரிந்தால் கூறட்டும் என்று கேள்வியெழுப்பினார்.