இது குறித்து தகவல் அறிந்ததும் சின்னகாஞ்சீபுரம் போலீஸ் இன்ஸ்பெக்டர் சுரேஷ் சண்முகம் மற்றும் போலீசார், வருவாய் துறையினர், கோவில் அதிகாரி தியாகராஜன் உள்ளிட்டோர் சம்பவ இடத்திற்கு விரைந்து வந்து இரு தரப்பினரையும் சமாதானப்படுத்த முயற்சித்தனர்.

ஆனால் அதிகாரிகளின் பேச்சை கேட்காமல் இருதரப்பினரும் போட்டிப்போட்டு பிரபந்தங்களை சத்தமாக பாடி சாமியை வழிபட்டதால் இரு தரப்பினருக்கும் இடையே வாக்குவாதம் நீடித்தது.

பிரசித்தி பெற்ற வரதராஜ பெருமாள் கோவிலில் விழா காலங்களின் போது தொடர்ந்து இருதரப்பினரும் அடிக்கடி தகராறில் ஈடுபடுவது பக்தர்களிடையே அதிருப்தியை ஏற்படுத்தியுள்ளது.