செஞ்சி தாலுகா போத்துவாய் கிராமத்தை சேர்ந்தவர் கோவிந்தன் மகன் ஜெயபாலன் (வயது 28). இவர் மீது செஞ்சி, நல்லாண்பிள்ளைபெற்றால் பகுதிகளில் சாராயம் கடத்தியதாகவும், விற்பனை செய்ததாகவும் பல்வேறு வழக்குகள் உள்ளன.

கடந்த சில வாரத்திற்கு முன்பு சாராய வழக்கில் ஜெயபாலனை நல்லாண்பிள்ளைபெற்றால் போலீசார் கைது செய்து கடலூர் மத்திய சிறையில் அடைத்தனர். தொடர்ந்து, இவர் சாராய வழக்குகளில் ஈடுபட்டு வந்ததால் இவருடைய செயல்களை தடுக்கும்பொருட்டு தடுப்புக்காவல் சட்டத்தின் கீழ் கைது செய்ய கலெக்டருக்கு மாவட்ட போலீஸ் சூப்பிரண்டு ஜெயக்குமார் பரிந்துரை செய்தார்.