திருவள்ளூர் மாவட்டம் எல்லாபுரம் ஒன்றியம் வேப்பம்பட்டு கிராமம் செல்லியம்மன் கோவில் தெருவை சேர்ந்தவர் குமார் (வயது 21). இவர் நேற்று மாலை தனது மோட்டார் சைக்கிளில் பூச்சிஅத்திப்பேடு கிராமத்திற்கு சென்று கொண்டிருந்தார். அப்போது அடையாளம் தெரியாத நபர் ஒருவர் தனது நண்பர்கள் 2 பேர் விபத்தில் சிக்கி படுகாயம் அடைந்துள்ளதாகவும் அவர்களை காப்பாற்ற உதவி செய்யுமாறு கூறியுள்ளார்.

இதையடுத்து குமார் தனது மோட்டார் சைக்கிளில் அந்த நபரை ஏற்றிக்கொண்டு வாணியன்சத்திரம் கிராமத்தில் உள்ள சாய்பாபா கோவில் அருகே சென்றார். அப்போது அங்கு மறைந்திருந்த அடையாளம் தெரியாத 2 பேர் குமாரை வழிமறித்து தாக்கியுள்ளனர். உதவி கேட்டு வந்த நபர் மற்றும் அங்கு பதுங்கி இருந்த 2 பேர் என்று 3 பேரும் சேர்ந்து குமாரை கண்மூடித்தனமாக தாக்கினர்.