மும்பை ஐகோர்ட்டு பொறுப்பு தலைமை நீதிபதியாக பூஷன் தர்மாதிகாரி நியமனம்

ஏப்ரல் மாதம் ஓய்வு

இவர் தலைமையிலான அமாவு, கடந்த ஆண்டு ஜூலை மாதம் 2012-ல் தாய், மனைவி மற்றும் 2 வயது மகளை கொலை செய்த 25 வயது வாலிபரின் தூக்குதண்டனையை உறுதி செய்து தீர்ப்பு கூறியது. கடந்த ஆண்டு ஜூன் மாதம் பிரீத்தி ரதி என்ற பெண் மீது திராவகம் வீசி கொலை செய்த அங்குர்(26) என்ற வாலிபரின் தூக்குதண்டனையை ஆயுள் தண்டனையாக குறைத்தது.

இதேபோல தமிழ் வாலிபர் ஏஞ்சலோ வல்தாரிசை கொலை செய்த 8 ரெயில்வே போலீசார் மீது கொலை வழக்குப்பதிவு செய்ய உத்தரவிட்டவரும் பூஷன் தர்மாதிகாரி ஆவார். இதுதவிர பல்வேறு முக்கிய வழக்குகளை நீதிபதி பூஷன் தர்மாதிகாரி தலைமையிலான அமர்வு விசாரித்து தீர்ப்பு அளித்து உள்ளது.

பூஷன் தர்மாதிகாரி வருகிற ஏப்ரல் 28-ந்தேதியுடன் ஓய்வுபெற உள்ளார். முன்னதாக கடந்த 13-ந்தேதி மும்பை ஐகோர்ட்டு மூத்த நீதிபதிகளில் ஒருவரான எஸ்.தர்மாதிகாரி ராஜினாமா செய்தது குறிப்பிடத்தக்கது.