கோவையை அடுத்த போத்தனூர் செட்டிப்பாளையத்தை சேர்ந்தவர் லோகநாதன் (வயது 41). கோவை மாநகர ஆயுதப்படை பிரிவில் 2-ம் நிலை பெண் போலீசாக பணியாற்றி வருபவர் அம்சவேணி (35). இவர் லோகநாதனிடம், கடந்த 2017-ம் ஆண்டு ரூ.6 லட்சம் கடன் வாங்கினார். மேலும் அவர், லோகநாதனின் தாய் ருக்மணி நடத்தி வந்த ஏலச்சீட்டில் ரூ.4 லட்சத்து 70 ஆயிரம் வாங்கி உள்ளார்.

பின்னர் அந்த தொகையை செலுத்தாமல் பணம் இல்லாத காசோலையை கொடுத்து ஏமாற்றியதாக கூறப்படுகிறது. எனவே அவர் மீது நடவடிக்கை எடுத்து தனக்கு வரவேண்டிய பணத்தை வாங்கி தரக்கோரி லோகநாதன் கோவை மாநகர போலீசில் புகார் அளித்தார்.