நேற்று முன்தினம் நள்ளிரவு மர்ம நபர்கள் கோவில் பின்பக்க வழியாக நுழைந்து அங்குள்ள இரும்பு கம்பியிலான கேட்டை வளைத்து அங்கு இருந்து பித்தளை குடத்திலான உண்டியலின் பூட்டை உடைத்து அதிலிருந்த பணத்தை திருடி சென்று இருப்பது தெரியவந்தது.

இதுகுறித்து கோவில் நிர்வாகம் சார்பில் பேரணாம்பட்டு போலீசில் புகார் செய்யப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

போலீஸ் நிலையம் அருகிலேயே கோவில் உண்டியலை உடைத்து பணம் திருடப்பட்ட சம்பவம் பெரும் பரபரப்பை ஏற்படுத்தி உள்ளது.