திருவள்ளூர் மாவட்டம் கும்மிடிப்பூண்டியை அடுத்த சுண்ணாம்புகுளம் கிராமத்தில் உள்ள சின்ன கொக்குபாளையம் தெருவைச் சேர்ந்தவர் குமரன்(வயது 28). கோவில் பூசாரி. இவருக்கு தெரிந்த இளம்பெண் ஒருவருக்கு எளாவூர் அடுத்த துராப்பள்ளம் கிராமத்தைச் சேர்ந்த தங்கராஜ் என்ற வாலிபர் செல்போனில் பேசி தொல்லை கொடுத்து வந்ததாக கூறப்படுகிறது. இதனை குமரன் தட்டிக்கேட்டுள்ளார்.

இந்த நிலையில் இந்த பிரச்சினை தொடர்பாக கடந்த 23-ந்தேதி இரவு துராப்பள்ளம் சுடுகாடு அருகே வாலிபர் தங்கராஜிடம் பேச்சு வார்த்தை நடத்த பூசாரி குமரன் காரில் சென்றார். அப்போது ஏற்பட்ட வாக்குவாதத்தில் குமரனை தங்கராசும், அவரது நண்பர்கள் 3 பேரும் சேர்ந்து கத்தியால் குத்தி, அவரது காரையும் சேதப்படுத்தியதாக கூறப்படுகிறது.