சேலம் மாவட்டத்தில் கொரோனாவின் பாதிப்பு சற்று அதிகரித்து வருகிறது. நேற்று முன்தினம் கொரோனாவுக்கு 11 பேர் பாதிக்கப்பட்டனர். இந்த நிலையில் நேற்று 18 பேருக்கு கொரோனா தொற்று இருந்தது பரிசோதனையில் உறுதி செய்யப்பட்டது.

அதாவது, சேலம் மாநகராட்சிக்குட்பட்ட பகுதிகளில் 8 பேர், எடப்பாடி, ஆத்தூர் ஆகிய பகுதிகளில் தலா 2 பேர், ஓமலூர், கெங்கவல்லி, சேலம் ஒன்றியத்துக்கு உட்பட்ட பகுதி, பனமரத்துப்பட்டி, தலைவாசல், மேட்டூர் ஆகிய பகுதிகளில் தலா ஒருவருக்கும் கொரோனா பாதிப்பு ஏற்பட்டுள்ளது. இவர்கள் மாவட்டத்தில் உள்ள அரசு மற்றும் தனியார் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர்.