இதையடுத்து அவர் சிகிச்சைக்காக சென்னை ஸ்டான்லி அரசு ஆஸ்பத்திரியில் அனுமதிக்கப்பட்டார். நேற்று அவருக்கு திடீரென மூச்சுத்திணறல் ஏற்பட்டது. டாக்டர்கள் தீவிர சிகிச்சை அளித்தும் பலன் அளிக்காமல் சக்திவேல் பரிதாபமாக உயிரிழந்தார்.

கடந்த ஆண்டு பரவிய கொரோனா முதல் அலையின்போது 3 ஆயிரத்துக்கும் மேற்பட்ட போலீசார் கொரோனாவால் பாதிக்கப்பட்டு சிகிச்சை பெற்று வீடு திரும்பினர். ஆனாலும் 7 போலீஸ்காரர்கள் உயிரிழந்தனர். அதில் மாம்பலம் போலீஸ் இன்ஸ்பெக்டர் பாலமுரளி என்பவர்தான் போலீஸ்காரர்களில் முதலில் கொரோனாவுக்கு பலியானார்.

தற்போது நிலவி வரும் கொரோனா 2-வது அலையிலும் சென்னை போலீஸ்காரர்கள் ஆயிரத்துக்கும் மேற்பட்டார் பாதிக்கப்பட்டு சிகிச்சை பெற்று வருகிறார்கள். அந்த வகையில் 2-வது அலையில் கொரோனாவால் போலீஸ் துறையில் பலியான முதல் நபர் சப்-இன்ஸ்பெக்டர் சக்திவேல் என்பது குறிப்பிடத்தக்கது. இவரது மரணம் போலீஸ்காரர்கள் மத்தியில் பெரும் அதிர்ச்சியையும், கலக்கத்தையும் ஏற்படுத்தி உள்ளது.