கர்நாடகத்தில் நேற்றைய கொரோனா பாதிப்பு குறித்து சுகாதாரத்துறை வெளியிட்டுள்ள செய்திக்குறிப்பில் கூறி இருப்பதாவது:-

கர்நாடகத்தில் நேற்று ஒரு லட்சத்து 26 ஆயிரத்து 400 பரிசோதனைகள் செய்யப்பட்டன. இதில் 1,338 பேருக்கு கொரோனா பாதிப்பு உறுதியாகியுள்ளது. இதனால் கொரோனா பாதித்தோரின் எண்ணிக்கை 29 லட்சத்து 21 ஆயிரத்து 49 ஆக உயர்ந்துள்ளது. மாநிலத்தில் கொரோனாவுக்கு மேலும் 31 பேர் உயிரிழந்தனர். இதனால் வைரஸ் தொற்றால் இறந்தவர்களின் எண்ணிக்கை 36 ஆயிரத்து 848 ஆக அதிகரித்துள்ளது. ஒரேநாளில் 1,947 பேர் குணம் அடைந்தனர். இதனால் குணம் அடைந்தவர்களின் எண்ணிக்கை 28 லட்சத்து 61 ஆயிரத்து 499 ஆக அதிகரித்துள்ளது. 22 ஆயிரத்து 676 பேர் மருத்துவ சிகிச்சையில் உள்ளனர்.