நடிகர் கருணாஸ் எம்.எல்.ஏ. கைது செய்யப்பட்ட போது, மாநிலம் முழுவதும் ஆங்காங்கே பஸ்கள் மீது கல் வீசப்பட்டது. நெல்லை அருகே ஒரு பஸ் மீது கல்வீசியது தொடர்பாக நாஞ்சாங்குளத்தை சேர்ந்த கார்த்திக் கைது செய்யப்பட்டார். பின்னர் அவர், பாளையங்கோட்டை மத்திய சிறையில் அடைக்கப்பட்டார். இவர் மீது ஏற்கனவே பல வழக்குகள் உள்ளன. இதைத்தொடர்ந்து கார்த்திக் குண்டர் சட்டத்தில் கைது செய்யப்பட்டார்.

இவர், கருணாஸ் எம்.எல்.ஏ.வின் கார் டிரைவர் ஆவார். இந்த நிலையில் நடிகர் கருணாஸ் பாளையங்கோட்டை மத்திய சிறைக்கு நேற்று காலை வந்தார். அவர், கார்த்திக்கை சந்தித்து பேசினார்.