அரியலூர் மாவட்டம், செந்துறை ஒன்றியத்தில் நடந்த பல்வேறு நிகழ்ச்சிகளில் கலந்து கொள்ள வந்திருந்த தமிழக வாழ்வுரிமை கட்சி தலைவர் வேல்முருகன் நிருபர்களுக்கு பேட்டி அளித்தார். அப்போது அவர் கூறியதாவது:-

தமிழக அரசு 5 மற்றும் 8-ம் வகுப்புக்கு பொதுத்தேர்வு நடத்துவது என்பது குல கல்விக்கு வழிவகுப்பதாக உள்ளது. இதனை தமிழக அரசு ரத்து செய்ய வேண்டும். டி.என்.பி.எஸ்.சி. தேர்வு முறைகேடு குறித்து, தமிழக அரசு உயர் நீதிமன்ற நீதிபதியின் தலைமையில் விசாரணை மேற்கொள்ள வேண்டும். இதில் ஈடுபட்டுள்ள அரசு அதிகாரிகளின் சொத்துகளை பறிமுதல் செய்து, அதனை முழுமையாக நாட்டுடைமையாக்க வேண்டும்.