மீஞ்சூர் அருகே உள்ளது தத்தைமஞ்சி ஊராட்சி. இந்த ஊராட்சியில் வசிக்கும் 800க்கும் மேற்பட்ட குடும்பத்தினருக்கு தமிழ்நாடு குடிநீர் வடிகால் வாரியத்தின் கூட்டு குடிநீர் திட்டத்தின் மூலம் குடிநீர் வழங்கப்படுறது. இந்த நிலையில் கடந்த ஒரு மாதத்திற்கு மேலாக அந்த பகுதி மக்களுக்கு சீராக குடிநீர் வழங்கப்படவில்லை என்று கூறப்படுகிறது.

சீராக குடிநீர் வழங்கக்கோரி தத்தைமஞ்சி ஊராட்சியில் அடங்கிய சிருளப்பஞ்சேரி கிராம மக்கள் கடந்த மாதம் சாலை மறியலிலும் ஈடுபட்டனர். பின்னர் ஊராட்சியின் மேல்நிலை நீர்த்தேக்க தொட்டியில் இருந்து குடிநீர் வழங்கப்பட்டு வந்தது.