கோவை மாவட்டம் கிணத்துக்கடவு அருகே உள்ள நெம்பர்-10 முத்தூர் ஊராட்சிக்குட்பட்ட சங்கராயபுரத்தை சேர்ந்தவர் நஞ்சப்ப கவுண்டர். இவரது மகன் பிரபு(வயது 35). டிரைவர். இவருக்கு திருமணம் ஆகவில்லை. இவர் தனக்கு சொந்தமான சரக்கு வாகனத்தை வாடகைக்கு ஓட்டி வந்தார்.

இதற்கிடையில் மது குடிக்கும் பழக்கத்துக்கு அடிமையான அவர், தினமும் குடிபோதையில் வீட்டுக்கு வந்ததாக கூறப்படுகிறது. இதனால் அவரை பெற்றோர் கண்டித்து வந்தனர். அதன்பின்னர் சில நாட்கள் மதுப்பழக்கத்தை நிறுத்தி இருந்த அவர், சம்பவத்தன்று மீண்டும் குடிபோதையில் வீட்டுக்கு வந்ததாக தெரிகிறது.