கொரோனா வைரஸ் பரவுவதை தடுக்கும் வகையில் நாடு முழுவதும் ஊரடங்கு உத்தரவு அமல்படுத்தப்பட்டுள்ளது. இந்த ஊரடங்கு உத்தரவு வருகிற 17-ந் தேதி வரை நீட்டிக்கப்பட்டுள்ளது. ஆனால் நேற்றுமுன்தினம் முதல் ஊரடங்கில் சில கட்டுப்பாடுகளை தமிழக அரசு தளர்த்தியுள்ளது. இதனால் சாலைகளில் மக்கள் கூட்டம் அதிகளவில் உள்ளது.

இந்த நிலையில் சேலம் சீலநாயக்கன்பட்டி அருகே உள்ள தேசிய மயமாக்கப்பட்ட வங்கி ஒன்றில் முதியவர்களுக்கு இந்த மாதத்திற்கான உதவித்தொகை நேற்று வழங்கப்படும் என்று தெரிவிக்கப்பட்டது. இதனால் தாதகாப்பட்டி, அண்ணாநகர், மூனாங்கரடு, பொம்மனசெட்டி காடு உள்ளிட்ட பல்வேறு பகுதிகளில் இருந்து 100-க்கும் மேற்பட்ட முதியவர்கள் காலை முதலே வங்கியின் முன்பு நீண்டநேரமாக காத்திருந்தனர்.