இந்த நிலையில் நேற்று மதியம் 12 மணி அளவில் தாளவாடியில் இருந்து ஆசனூருக்கு மோட்டார்சைக்கிளில் 2 பேர் சென்று கொண்டிருந்தனர். ஆசனூர் அருகே தேசிய நெடுஞ்சாலையில் சென்றபோது 2 குட்டிகளுடன் திரிந்த யானை ரோட்டை கடந்து சென்று கொண்டிருந்தது. மோட்டார்சைக்கிளில் சென்றவர்களை பார்த்ததும் அவர்களை நோக்கி ஓடி வந்தது. பின்னர் அவர்களை துரத்த தொடங்கியது.

இதனால் மோட்டார்சைக்கிளின் பின்னால் இருந்த ஒருவர் பயத்தில் இறங்கி ஓடினார். மற்றொருவர் மோட்டார்சைக்கிளை அங்கிருந்து சற்று வேகமாக ஓட்டிச்சென்று நிறுத்தினார். சிறிது தூரம் சென்றதும் அவர் யானைகளை தனது செல்போனில் புகைப்படம் எடுத்தார். அதன்பின்னர் யானைகள் தானாகவே வனப்பகுதிக்குள் சென்றுவிட்டது. அதைத்தொடர்ந்து 2 பேரும் மோட்டார்சைக்கிளில் சென்றனர். இதனால் இந்த 2 பேரும் யானைகளிடம் இருந்து அதிர்ஷ்டவசமாக உயிர் தப்பினர்.