திருவள்ளூரை அடுத்த பட்டரைப்பெருமந்தூர் வன்னியர் தெருவை சேர்ந்தவர் பாலன். இவரது மனைவி குமாரி (வயது 62). கடந்த 2015-ம் ஆண்டு குமாரி தனது கணவரின் மருத்துவ செலவுக்காக திருவள்ளூர் முகமது அலி தெருவை சேர்ந்த கர்ணன் (61) என்பவரிடம் ரூ.2 லட்சத்தை கடனாக பெற்றார்.

அதற்காக அவர் மாதாமாதம் வட்டி செலுத்தி வந்தார். ரூ.2 லட்சம் கடனுக்காக குமாரி தன்னுடைய வீட்டு காலி மனையை அடமானம் வைத்தார். அதை பெற்று கொண்ட கர்ணன் மேலும் ரூ. 3 லட்சத்தை குமாரி பெற்றது போல் போலியாக கடன் பத்திரத்தை தயாரித்து அதில் தானே கையெழுத்து போட்டு மோசடி செய்தார்.