தேனி மாவட்ட கலெக்டர் அலுவலகத்தில் மக்கள் குறைதீர்க்கும் நாள் கூட்டம் நேற்று நடந்தது. இதற்காக கலெக்டர் அலுவலகத்தில் பாதுகாப்பு பணியில் போலீசார் ஈடுபட்டு இருந்தனர். அப்போது கலெக்டர் அலுவலகம் வந்த வாலிபர் ஒருவர் மறைத்து எடுத்து வந்த கேனில் இருந்த மண்எண்ணெயை தனது உடலில் ஊற்றி தீக்குளிக்க முயன்றார்.

அப்பகுதியில் நின்று கொண்டு இருந்த போலீசார் ஓடி வந்து அந்த வாலிபரை தடுத்து நிறுத்தி விசாரணை நடத்தினர். விசாரணையில் அவர், போடி திருமலாபுரம் சாமியார்சந்து பகுதியை சேர்ந்த முருகன் மகன் கருப்பசாமி (வயது 27) என்பதும், அவர் கட்டிட ஒப்பந்ததாரராக உள்ளதும் தெரிய வந்தது.