உத்திரமேரூர் ஆர்.என்.கண்டிகையை சேர்ந்தவர் ஜோசப். இவரது மகன்கள் லூர்துசாமி (வயது 44), புஷ்பராஜ் (38). சகோதரர்களான இவர்களுக்கு இடையே பாகப்பிரிவினையில் தகராறு இருந்து வந்ததாக கூறப்படுகிறது. கார் டிரைவரான புஷ்பராஜ் கேரளாவில் வசித்து வந்தார். இந்தநிலையில் தந்தையிடம் இருந்த ஆடுகளை மூத்த மகனான லூர்துசாமி பணம் கொடுத்து வாங்கியதாக தெரிகிறது. இந்த நிலையில் ஜோசப் இறந்து விடுகிறார்.

கடந்த மாதம் 12ந்தேதி சொந்த ஊருக்கு வந்த புஷ்பராஜ், லூர்துசாமியிடம் அப்பாவிடம் இருந்து வாங்கிய ஆடுகளில் பாதியை தன்னிடம் தரும்படி கேட்டார். அதற்கு லூர்துசாமி, நான் அப்பாவிடம் பணம் கொடுத்துத்தான் ஆடுகளை வாங்கினேன் என்று கூறியதாக தெரிகிறது. இதனால் இருவருக்கும் இடையே தகராறு ஏற்பட்டது.