தண்டராம்பட்டை அடுத்த மலமஞ்சனூர் புதூர் கிராமத்தை சேர்ந்தவர் காந்தி (வயது 50). இவரது அண்ணன் மகன் திருமண வரவேற்பு நிகழ்ச்சி கடந்த 2012-ம் ஆண்டு செப்டம்பர் மாதம் 17-ந் தேதி நடைபெற்றது. அதே கிராமத்தை சேர்ந்த அவரது உறவினர்கள் கண்ணுசாமி மகன் பாலாஜி(30), குப்புசாமி மகன் சவுந்தரராஜன்(30) ஆகியோர் மது போதையில் ஆடிக்கொண்டு வந்து உள்ளனர்.

அப்போது வானம் மேகமூட்டத்துடன் காணப்பட்டதால், மழை வந்து விடும் என்றும், வேகமாக செல்லுங்கள் என்றும் காந்தி அவர்களை கண்டித்துள்ளார். இதனால் அவர்களுக்கு இடையே தகராறு ஏற்பட்டுள்ளது. பின்னர் அன்று இரவு மீண்டும் தகராறு ஏற்பட்டு உள்ளது. அதில் ஆத்திரமடைந்த பாலாஜியும், சவுந்தரராஜனும் காந்தியை தாக்கி கத்தியால் குத்தி கொலை செய்துள்ளனர்.