வண்டலூர்,
செங்கல்பட்டு மாவட்டத்தில் நேற்று 1,608 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 86 ஆயிரத்து 265-ஆக உயர்ந்துள்ளது. இவர்களில் 75 ஆயிரத்து 621 பேர் சிகிச்சை பெற்று வீடு திரும்பினர்.
நேற்று சிகிச்சை பலனின்றி ஒரே நாளில் 5 பேர் உயிரிழந்தனர். இதனால் உயிரிழந்தவர்களின் எண்ணிக்கை 981-ஆக உயர்ந்தது. இதில் 9 ஆயிரத்து 663 பேர் ஆஸ்பத்திரியில் சிகிச்சை பெற்று வருகின்றனர்.
காஞ்சீபுரம் மாவட்டத்தில் நேற்று 594 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 40 ஆயிரத்து 163-ஆக உயர்ந்துள்ளது. இவர்களில் 36 ஆயிரத்து 566 பேர் சிகிச்சை பெற்று வீடு திரும்பினர். நேற்று சிகிச்சை பலனின்றி 8 பேர் உயிரிழந்தனர்.
இதனால் காஞ்சீபுரம் மாவட்டத்தில் கொரோனா தொற்றால் உயிரிழந்தவர்களின் எண்ணிக்கை 572- ஆக உயர்ந்துள்ளது. 3,025 பேர் ஆஸ்பத்திரியில் சிகிச்சை பெற்று வருகின்றனர்.