குற்றாலத்தில் ஜூன் 1-ந் தேதி சீசன் தொடங்குமா?

தென் தமிழகத்தின் மிகச்சிறந்த சுற்றுலா தலமான, ஏழைகளின் ஊட்டி என அழைக்கப்படும் குற்றாலம் நெல்லை மாவட்டம் தென்காசியில் இருந்து 5 கிலோமீட்டர் தொலைவில் உள்ளது. இங்கு ஆண்டு தோறும் ஜூன், ஜூலை, ஆகஸ்டு மாதங்களில் சீசன் இருக்கும். இந்த மாதங்களில் சாரல் மழை விட்டு விட்டு பெய்யும். ஜில்லென்று குளிர்ந்த காற்று வீசும். இடையிடையே இதமான வெயிலும் அடிக்கும். இங்குள்ள மெயின் அருவி, ஐந்தருவி, பழைய குற்றாலம், புலியருவி, சிற்றருவி ஆகிய அனைத்து அருவிகளிலும் தண்ணீர் கொட்டும்.