வேலூர் மாவட்டம், பொன்னை அருகே உள்ள பள்ளேரி பகுதியை சேர்ந்த பெண் ஒருவர் ராணிப்பேட்டையில் வட்டிக்கு பணம் கொடுத்து வருவதாக கூறப்படுகிறது. மேலும் அவர் ராணிப்பேட்டையில் உள்ள பெண்கள் உடற்பயிற்சி கூடத்திற்கு (ஜிம்) செல்வதை வாடிக்கையாக கொண்டுள்ளார்.

இந்தநிலையில் உடற்பயிற்சி கூடத்துக்கு வரும் பெண்களிடம், தான் பைனான்ஸ் தொழில் செய்து வருவதாகவும், தன்னிடம் பணம் தந்தால் அதிக வட்டி தருவதாகவும் ஆசை வார்த்தை கூறியுள்ளார். இதனை உண்மை என்று நம்பி பல பெண்கள் தங்களிடமிருந்த பணத்தையும், நகைகளையும் கொடுத்துள்ளனர். மேலும் தங்களுக்கு தெரிந்த பெண்களையும் அவரிடம் அறிமுகப்படுத்தியுள்ளனர். அவர்களும் அதிக வட்டிக்கு ஆசைப்பட்டு பணத்தையும், நகைகளையும் கொடுத்துள்ளதாக கூறப்படுகிறது.