பழனி முருகன் கோவிலில், கடந்த மாதம் 17-ந் தேதி உண்டியல் எண்ணிக்கை நடைபெற்றது. அதன் பின்னர் 22 நாட்களுக்கு பிறகு, நேற்று மலைக்கோவில் கார்த்திகை மண்டபத்தில் உண்டியல் காணிக்கை எண்ணும் பணி நடந்தது. கோவில் இணை ஆணையர் செல்வராஜ், துணை ஆணையர் செந்தில்குமார், திண்டுக்கல் அறநிலையத்துறை உதவி ஆணையர் சிவலிங்கம், மேலாளர் உமா, முதுநிலை கணக்கு அதிகாரி மாணிக்கவேல், அறநிலையத்துறை ஆய்வாளர் கணேசன் ஆகியோர் முன்னிலையில் உண்டியல் காணிக்கை தொகைகளை எண்ணும் பணி நடந்தது.

இதில் ரூ.1 கோடியே 66 லட்சத்து 65 ஆயிரத்து 675-ஐ பக்தர்கள் காணிக்கையாக உண்டியல்களில் செலுத்தியிருந்தனர். மேலும் தங்கம் ஒரு கிலோ (990 கிராம்), வெள்ளி 27 கிலோ (27,570 கிராம்), வெளிநாட்டு கரன்சி நோட்டுகள் 319-ம் பக்தர்களால் காணிக்கையாக போடப்பட்டிருந்தது.