நாமக்கல் மாவட்டம் முசிறி அருகே உள்ள காட்டுப்பாளையம் பகுதியை சேர்ந்த பொதுமக்கள் குடிநீர் பிரச்சினையை தீர்க்கக்கோரி நேற்று கலெக்டர் மெகராஜிடம் குறைதீர்க்கும் நாள் கூட்டத்தில் மனு கொடுத்தனர். பின்னர் அவர்கள் கூறியதாவது:-

காட்டுப்பாளையம் பகுதியில் சுமார் 50 குடும்பத்தினர் வசித்து வருகிறோம். எங்களுக்கு வினியோகம் செய்யப்பட்டு வந்த காவிரி குடிநீர் கடந்த ஒரு மாதத்திற்கு முன்பு திடீரென நிறுத்தப்பட்டது. இது தொடர்பாக ஆபரேட்டரிடம் கேட்டபோது அவர் விரைவில் வந்து விடும் என்றார். ஆனால் ஒரு மாதத்திற்கு மேல் ஆகியும் காவிரி குடிநீர் வரவில்லை.