ஆரணியை அடுத்த மொழுகம்பூண்டி கிராமத்தில் வளர்ச்சி பணிகள் நடைபெற்று வருகின்றன. இந்த நிலையில் நேற்று அமைச்சர் சேவூர் எஸ்.ராமச்சந்திரன், அதிகாரிகளுடன் நேரில் சென்று பார்வையிட்டு ஆய்வு செய்தார்.

பின்னர் அவர் நிருபர்களிடம் கூறுகையில், மொழுகம்பூண்டி கிராமத்தை மத்திய அரசால் மிஷன் அந்தோதிய திட்டத்தின் அடிப்படையில் சிறந்த ஊராட்சியாக பிரதமர் மோடி அறிவித்திருந்தார். இதனால் இந்த கிராமத்திற்கு கூடுதல் கவனம் செலுத்தி கிராமம் முழுவதும் 29 தெருக்களுக்கு சிமெண்டு சாலை, பக்க கால்வாய் வசதிகள், ஆதிதிராவிடர் நலத்துறை பள்ளி, ஊராட்சி ஒன்றிய தொடக்கப்பள்ளி, விளையாட்டு திடலில் உயர் கோபுர விளக்கு அமைத்தல், கிராமமே தூய்மை செய்தல் என ரூ.2 கோடியே 18 லட்சம் செலவில் வளர்ச்சி பணிகள் நடைபெற்று வருகிறது என்றார்.