தமிழக காங்கிரஸ் தலைவர் கே.எஸ்.அழகிரி வெளியிட்டுள்ள அறிக்கையில் கூறியிருப்பதாவது:-

காமராஜர் உடலை சென்னை கடற்கரையில் அடக்கம் செய்வதற்கு காங்கிரஸ் கட்சியினர் கோரியதை அன்றைய தமிழக முதல்-அமைச்சர் கருணாநிதி மறுத்துவிட்டதாக அமைச்சர் ராஜேந்திர பாலாஜி கூறியிருப்பதை வன்மையாக மறுக்கிறேன், கண்டிக்கிறேன். கருணாநிதி பரிந்துரையின்பேரில், அப்போதைய காங்கிரஸ் தலைவர்கள் ராஜாராம் நாயுடு, திண்டிவனம் ராமமூர்த்தி, நெடுமாறன் ஆகியோரின் ஒப்புதலோடுதான் கிண்டியில் காமராஜர் உடல் அடக்கம் செய்யப்பட்டது. சென்னை கடற்கரை சாலையில் காமராஜர் உடலை அடக்கம் செய்ய காங்கிரஸ் தலைவர்கள் எவரும் கோரவில்லை.