கூடலூர் நகராட்சிக்கு உட்பட்ட லோயர்கேம்பில் இருந்து கேரள மாநிலம் குமுளி வரை 6 கிலோமீட்டர் தூரம் மலைப்பாதை ஆகும். இயற்கை எழில் கொஞ்சும் அந்த மலைப்பாதையில் மான்கள், குரங்குகள், காட்டுப்பன்றிகள் அதிகளவில் உள்ளன. குறிப்பாக மலைப்பாதையோரத்தில் ஏராளமான குரங்குகள் சுற்றித்திரிகின்றன.

கேரள மாநிலத்தின் முக்கிய சுற்றுலா தலமான தேக்கடிக்கு தமிழகத்தின் பல்வேறு மாவட்டங்களில் இருந்தும், பிற மாநிலங்களில் இருந்தும் ஏராளமான சுற்றுலா பயணிகள் இந்த மலைப்பாதை வழியாக சென்று வருகின்றனர். அவ்வாறு சென்று வரும் சுற்றுலா பயணிகள், மலைப்பாதையோரத்தில் வாகனங்களை நிறுத்தி இயற்கை காட்சிகளை ரசித்து செல்கின்றனர்.