பல்லடம் அருகே கரைப்புதூர் ஊராட்சி உள்ளது. இங்குள்ள 10-வது வார்டு உறுப்பினர் கோவிந்தராஜ் (வயது 36), 11-வது வார்டு உறுப்பினர் ஜோசப் (29) ஆகிய 2 பேரும் நீண்ட நாட்களாக தங்கள் பகுதியில் உள்ள குப்பைகளை அப்புறப்படுத்த ஊராட்சி நிர்வாகத்தினரிடம் கோரிக்கை விடுத்தனர். ஆனால் குப்பைகளை அகற்ற நடவடிக்கை எடுக்கவில்லை என தெரிகிறது.

இதையடுத்து ஊராட்சி உறுப்பினர்கள் கோவிந்தராஜ், ஜோசப் ஆகிய இருவரும் தங்கள் பகுதியில் உள்ள சாக்கடை கால்வாயில் தேங்கி நிற்கும் கழிவுகளை அகற்றும் பணியில் கடந்த சில நாட்களாக ஈடுபட்டனர். ஊராட்சி உறுப்பினர்களாக தேர்ந்தெடுக்கப்பட்ட இருவரும் கூலி தொழிலாளர்கள். சமீபத்தில் நடந்த தேர்தலில் வெற்றி பெற்று உள்ளனர்.