இந்தநிலையில் ஊரடங்கு உத்தரவால் விவசாயிகள் வாழைத்தார்களை வெட்டி விற்பனைக்கு கொண்டு செல்ல முடியாத நிலையில் உள்ளார்கள். இதனால் வியாபாரிகள் தோட்டங்களுக்கு சென்று கொள்முதல் செய்கிறார்கள். ஆனால் சூழ்நிலையை பயன்படுத்தி விலை குறைவாக அதாவது ஒரு கிலோ செவ்வாழை பழத்தை 2 ரூபாய்க்கு கேட்பதாக தெரிகிறது. இதனால் வேதனைப்படும் விவசாயிகள் பலர் தோட்டத்தில் உள்ள தார்களை அறுவடை செய்யாமலேயே விட்டுவிட்டார்கள். சிலர் வேறு வழியின்றி குறைந்த விலைக்கு விற்று வருவதாக கூறினார்கள்.