தூத்துக்குடி மாவட்டம் விளாத்திகுளம் அருகே குளத்தூரை அடுத்த வேடநத்தம் தெற்கு தெருவைச் சேர்ந்தவர் முத்தையா (வயது 56). கூலி தொழிலாளி. இவருடைய மனைவி மல்லிகா. இவர்களுக்கு 2 மகள்கள் உள்ளனர். இவர்களுக்கு திருமணமாகி விட்டது. கோவில்பட்டி அருகே கழுகாசலபுரத்தில் உள்ள முத்தையாவின் உறவினர் ஒருவர் இறந்து விட்டார். எனவே நேற்று முன்தினம் காலையில் முத்தையா, துக்கம் விசாரிப்பதற்காக உறவினர் வீட்டுக்கு மொபட்டில் புறப்பட்டு சென்றார்.

வேடநத்தம் அருகே அம்பாள் ஊருணி அருகில் சென்றபோது, எதிர்பாராதவிதமாக மொபட் நிலைதடுமாறி கவிழ்ந்தது. இந்த விபத்தில் பலத்த காயம் அடைந்த முத்தையா சம்பவ இடத்திலேயே பரிதாபமாக உயிரிழந்தார்.