இந்த நிலையில் வடகிழக்கு பருவமழை தொடங்கி தீவிரமாக பெய்து வருகிறது. இந்த தொடர் மழை காரணமாக, குழாய்கள் பதிக்கப்பட்ட பகுதியில் மண் உள்ளே இறங்கி பள்ளங்கள் உருவாகி இருக்கிறது. மேலும் மழைநீருடன் மண் கலந்து சேறும், சகதியுமாக காட்சி அளிக்கிறது.

குறிப்பாக டவுன் தொண்டர் சன்னதி பகுதி, நயினார்குளம்-தச்சநல்லூர் ரோடு, ஆர்ச் இணைப்பு சாலை, தெற்கு மவுண்ட் ரோடு, சந்திப்பு மதுரை ரோடு, ரெயில் நிலையம் செல்லும் த.மு.ரோடு உள்ளிட்ட சாலைகள் போக்குவரத்துக்கு லாயக்கற்ற நிலையில் உள்ளன. இதனால் அந்த வழியாக செல்லும் வாகன ஓட்டிகள் பெரிதும் அவதிப்படுகின்றனர்.

பள்ளத்தில் சிக்கிய வேன்

நயினார்குளம் மொத்த காய்கறி மார்க்கெட் வழியாக தச்சநல்லூருக்கு செல்லும் குளக்கரை ரோடு சேறும், சகதியுமாக மிகவும் மோசமாக காட்சி அளிக்கிறது. அந்த வழியாக சென்ற ஒரு சரக்கு வேன் அங்குள்ள பள்ளத்தில் சிக்கிக் கொண்டது. இதனால் அங்கு போக்குவரத்து பாதிக்கப்பட்டது. இதையடுத்து அந்த வேனை கிரேன் உதவியுடன் மீட்டனர்.