வாணியம்பாடி நகராட்சி பகுதியில் கடந்த சில நாட்களுக்கு முன்பு நகராட்சி ஆணையாளர் சுசில் தாமஸ் தள்ளுவண்டி கடைகளை கீழே தள்ளி பழங்களை சேதப்படுத்தினார். இதுகுறித்து சமூக வலைதளங்களில் செய்தி வெளியானதையடுத்து மனித உரிமை ஆணையம் தாமாக முன்வந்து 2 வாரத்தில் பதில் அளிக்க வேண்டும் என அவருக்கு உத்தரவிட்டது.

இதையடுத்து அவர் காத்திருப்போர் பட்டியலில் வைக்கப்பட்டார். இந்தநிலையில் மாவட்ட கலெக்டர் சிவன்அருளிடம், நடைபாதை பெண் வியாபாரிகள் அலமேலு, சத்யா மற்றும் தமிழ்நாடு வணிகர் சங்கங்களின் பேரமைப்பு வாணியம்பாடி தொழிற்சங்கங்களின் பேரமைப்பின் சார்பில் நகராட்சி ஆணையாளர் மீது தவறு இல்லை என்று மனு அளித்தனர்.