ஒவ்வொரு கிராமப்பகுதியிலும் நரிக்குறவர், பழங்குடியினர் மற்றும் இதர விளிம்புநிலை மக்கள் வசிக்கும் பகுதிகளில் மொத்த குடியிருப்புகளின் எண்ணிக்கை, மொத்த மக்கள் தொகை, ஆண்கள், பெண்கள், மூன்றாம் பாலினத்தினர் எண்ணிக்கை, பள்ளி- கல்லூரி செல்பவர்களின் எண்ணிக்கை, வீடு வசதி, குடிநீர் வசதி, சாலை வசதி, வீட்டுமனைப்பட்டா பெற்றவர்களின் எண்ணிக்கை போன்றவற்றை துறை சார்ந்த அலுவலர்கள் கண்டறிய வேண்டும்.

இப்பணியை சிறப்பாகவும், முதன்மையாக கருதி பணியை மேற்கொள்ள ஒரு தொடர்பு அலுவலருடன் அனைத்துத்துறை சார்ந்த அலுவலர்கள் முழு ஈடுபாட்டுடன் செயல்பட்டு நமது மாவட்டத்தில் வசிக்கும் நரிக்குறவர், பழங்குடியினர் மற்றும் இதர விளிம்பு நிலை மக்களின் வாழ்வாதாரத்தை மேம்படுத்திட ஒன்றிணைந்து பணியாற்ற வேண்டும். இவ்வாறு அவர் கூறினார். கூட்டத்தில் மாவட்ட வருவாய் அலுவலர் ராஜசேகரன், திண்டிவனம் சப்-கலெக்டர் அமித், மாவட்ட ஊரக வளர்ச்சி முகமை திட்ட இயக்குனர் சங்கர், மகளிர் திட்ட இயக்குனர் காஞ்சனா, மாவட்ட முதன்மை கல்வி அலுவலர் கிருஷ்ணப்பிரியா, கோட்டாட்சியர் அரிதாஸ் உள்பட பலர் கலந்துகொண்டனர்.