தமிழ்நாடு அரசு போக்குவரத்து கழக கூடலூர் கிளையில் இருந்து தினமும் மதியம் 1.10 மணிக்கு சுல்தான்பத்தேரிக்கு அரசு பஸ் ஒன்று இயக்கப்படுகிறது. இந்த பஸ் கூடலூரில் இருந்து இரவு 7.15 மணிக்கு அய்யன்கொல்லிக்கு செல்கிறது. அங்கு நிறுத்தி வைக்கப்பட்டு மறுநாள் அதிகாலை 4.30 மணிக்கு கூடலூருக்கு இயக்கப்படுகிறது.

இந்த பஸ்சின் முன்பக்க படிக்கட்டு பகுதி உடைந்து இருந்ததால், அந்த பகுதி கதவு வைத்து வெல்டிங் மூலம் அடைக்கப்பட்டு இருந்தது. மேலும் பஸ்சின் ஜன்னல் கண்ணாடிகள் உடைந்து மோசமாக காட்சி அளிக்கிறது. பழுதடைந்த இந்த பஸ்சை மாற்ற வேண்டும் என்று பயணிகள் கோரிக்கை விடுத்து வந்தனர். ஆனால் எந்த நடவடிக்கையும் எடுக்கப்படவில்லை.