வேலூர் மாவட்டம் குடியாத்தத்தில் இருந்து சித்தூர் செல்லும் சாலையில் தமிழக எல்லையான பரதராமியை அடுத்த கன்னிகாபுரத்தில் வனத்துறை சோதனைச்சாவடி உள்ளது. இங்கு நேற்று வனச்சரக அலுவலர் கஜேந்திரன் தலைமையில் வனத்துறையினர் வாகன சோதனையில் ஈடுபட்டிருந்தனர்.

அப்போது குடியாத்தத்தில் இருந்து சித்தூர் நோக்கி வேகமாக ஒரு கார் வந்தது. அந்த காரை நிறுத்துமாறு வனத்துறையினர் சைகை காட்டினர். இதனை பார்த்ததும் காரை சற்று தூரத்திலேயே நிறுத்தினார். உடனே காரில் இருந்து இறங்கி ஒருவர் வனப்பகுதிக்குள் தப்பி ஓடினார். இதனால் சந்தேகமடைந்த வனத்துறையினர் விரைந்து சென்று கார் டிரைவரை பிடித்துக்கொண்டனர். அவரிடம் விசாரித்தபோது அவர் முன்னுக்குபின் முரணாக பதிலளித்துள்ளார்.