நெல்லை மாவட்டம் சிவகிரி அருகே ராயகிரி நகரப்பஞ்சாயத்தை சேர்ந்த தெற்கு சத்திரம்- வடுகப்பட்டி நெடுஞ்சாலையில் கடந்த 3 மாதங்களுக்கு முன்பு புதிதாக டாஸ்மாக் கடை திறக்கப்பட்டது. இதற்கு எதிர்ப்பு தெரிவித்து அப்பகுதி மக்கள் 11 நாட்கள் போராட்டம் நடத்தினர். இதையடுத்து டாஸ்மாக் மற்றும் வருவாய்த்துறை அதிகாரிகள் சம்பவ இடத்துக்கு வந்து பேச்சுவார்த்தை நடத்தினர்.

பேச்சுவார்த்தையில், 2 மாத காலத்துக்குள் கடையை மூடிவிடுவோம் என உத்தரவாதம் அளித்ததன் பேரில் தற்காலிகமாக போராட்டத்தை பொதுமக்கள் கைவிட்டனர். இந்த நிலையில் அரசு அதிகாரிகள் தெரிவித்த கால அவகாசம் முடிவடைந்து டாஸ்மாக் கடை தொடர்ந்து திறக்கப்பட்டு வந்தது.