உளுந்தூர்பேட்டை அருகே செங்குறிச்சி கிராமத்தை சேர்ந்தவர் அம்மாசி. இவருடைய மனைவி ஷிலா (வயது 28). இவர்களுக்கு ஒரு பெண், 2 ஆண் குழந்தை உள்ளனர். கடந்த சில நாட்களாக ஷிலா மிகவும் மனமுடைந்த நிலையில் காணப்பட்டார். இந்த நிலையில் சம்பவத்தன்று அவர் திடீரென வீட்டில் இருந்த மண்எண்ணெயை உடம்பில் ஊற்றி தீ வைத்துக்கொண்டார்.

இதில் உடல் கருகிய அவரை அக்கம் பக்கத்தினர் மீட்டு சிகிச்சைக்காக உளுந்தூர்பேட்டை அரசு மருத்துவமனையில் சேர்த்தனர். அங்கு அவருக்கு டாக்டர்கள் முதலுதவி சிகிச்சை அளித்தனர். பின்னர் மேல்சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனையில் அனுமதிக்கப்பட்டார்.