பின்னர் அவரை சந்திப்பு போலீஸ் நிலையத்துக்கு அழைத்துச்சென்று விசாரணை நடத்தினர். விசாரணையில் அவர் தூத்துக்குடியை சேர்ந்த முருகன் (வயது 35) என்பது தெரியவந்தது. மேலும் அவர் தூத்துக்குடி மாவட்டத்தில் உள்ள பல்வேறு ஊர்களை கூறி குழப்பியதுடன், மருந்து கடை அதிபர் என்றும் தெரிவித்து உள்ளார். மனைவியுடன் ஏற்பட்ட தகராறில் 3 நாட்களுக்கு முன்பு வீட்டை விட்டு வெளியே வந்துள்ளார். இந்த நிலையில் தற்கொலைக்கு முயன்றது தெரியவந்தது. இதையடுத்து போலீசார் முருகன் மீது வழக்குப்பதிவு செய்தனர். பின்னர் அவருடைய உறவினர்களை நெல்லைக்கு வரவழைத்து அவரை எச்சரித்து ஜாமீனில் அவர்களுடன் அனுப்பி வைத்தனர். ஈரடுக்கு மேம்பாலத்தில் இருந்து வாலிபர் குதிக்க முயன்ற சம்பவத்தால் அந்த பகுதியில் பெரும் பரபரப்பு ஏற்பட்டது.