தமிழக அரசு டாஸ்மாக் கடைகளை திறந்து நடத்துவதிலும், அங்கு மக்களை வரவழைப்பதற்கு வேண்டிய வசதிகளை செய்து கொடுப்பதிலும்தான் அக்கறை செலுத்துகிறது. மாறாக கொரோனா ஊரடங்கு காரணமாக, வெளிநாடுகளில் சிக்கி தவிக்கும் தமிழர்களை மீட்பதில் எந்தவித அக்கறையும் செலுத்தவில்லை.

ஊரடங்கால் வேலையில்லாத நிலையில் வெளிநாடுகளில் மக்கள் தவித்து வருகின்றனர். மாணவர்கள் தங்குவதற்கும்கூட இடமில்லாமல் தவித்து வருகிறார்கள். வெளிநாடுகளில் இருந்து இந்தியாவின் பல்வேறு மாநிலங்களுக்கும் சிறப்பு விமானங்கள் இயக்கப்படுகிறது. ஆனால், தமிழகத்துக்கு ஓரிரு விமானங்கள்தான் இயக்கப்படுகிறது.