கடலூர் முதுநகர் ஏணிக்காரன்தோட்டம் பகுதி வாழ் மக்களுக்கான சுடுகாடு சோனங்குப்பத்தில் உள்ளது. ஏணிக்காரன் தோட்டத்துக்கும் சோனங்குப்பத்துக்கும் இடையே உப்பனாறு ஓடுகிறது. இதனால் இறந்தவர்களின் உடலை சுடுகாட்டுக்கு கொண்டு செல்ல வேண்டுமானால், படகில் பிணத்தை ஏற்றிக்கொண்டு உப்பனாற்றின் ஒருகரையில் இருந்து மறுகரைக்கு செல்ல வேண்டியுள்ளது.

மழைகாலங்களில் உப்பனாற்றை கடந்து செல்வது பெரும் சிரமமாக இருப்பதால், உப்பனாற்றின் குறுக்கே உயர்மட்ட பாலம் கட்டித்தர வேண்டும் என்று ஏணிக்காரன்தோட்டத்தைச்சேர்ந்த பொதுமக்கள் தொழில்துறை அமைச்சர் எம்.சி.சம்பத்தை நேரில் சந்தித்து கோரிக்கை வைத்தனர்.