சென்னை ஓட்டேரி குன்னூர் நெடுஞ்சாலையில் உள்ள ரேஷன் கடை முன்பு கழிவுநீர் தேங்கி, சேறும் சகதியுமாக உள்ளதால் கடைக்கு வரும் பொதுமக்கள் துர்நாற்றத்துக்கு இடையே நின்று பொருட்கள் வாங்கிச் செல்லும் நிலை உள்ளது. இதுகுறித்து ரேஷன் கடை ஊழியர்கள் கண்டு கொள்வதாக தெரியவில்லை என்று கூறப்படுகிறது.

ரேஷன் கடையில் பொருட்கள் வாங்கிச் செல்லும் முதியவர்கள், தேங்கி நிற்கும் கழிவுநீர் சேற்றில் தவறி விழுவதாகவும், இதனால் பொருட்கள் வீணாவதாகவும் அவர்கள் வேதனை தெரிவித்தனர். சம்பந்தப்பட்ட அதிகாரிகள் உடனடியாக ரேஷன் கடை முன்பு தேங்கி நிற்கும் கழிவுநீரை அகற்ற வேண்டும் என்று பொதுமக்கள் கோரிக்கை விடுத்து உள்ளனர்.