ஈரோடு கள்ளுக்கடைமேடு பகுதியில் பிரசித்தி பெற்ற பத்ரகாளியம்மன் கோவில் உள்ளது. இந்த கோவிலில் ஆண்டுதோறும் குண்டம் திருவிழா சிறப்பாக நடைபெற்று வருகிறது. அதன்படி இந்த ஆண்டுக்கான திருவிழா நேற்று முன்தினம் இரவு 9 மணிக்கு பூச்சாட்டுதலுடன் தொடங்கியது. இதையொட்டி தினமும் அம்மனுக்கு அபிஷேகம் நடைபெற்று சிறப்பு அலங்காரம் செய்யப்படுகிறது.

இந்த நிலையில் நேற்று அம்மன் சிறப்பு அலங்காரத்தில் பக்தர்களுக்கு அருள் பாலித்தார். இதில் ஏராளமான பக்தர்கள் கலந்து கொண்டு அம்மனை தரிசனம் செய்தனர். வருகிற 22-ந்தேதி இரவு 7 மணிக்கு கொடி ஏற்றப்படுகிறது. 28-ந்தேதி காலை 9 மணிக்கு பாலாபிஷேகம் நடக்கிறது. மார்ச் மாதம் 1-ந்தேதி இரவு 8 மணிக்கு அக்னி கபாலமும், 2-ந்தேதி மாலை 6 மணிக்கு குண்டம் பற்ற வைத்தலும் நடக்கிறது. 3-ந்தேதி அதிகாலை 5 மணிக்கு பக்தர்கள் குண்டம் இறங்கி நேர்த்திக்கடன் செலுத்துகிறார்கள். அன்று இரவு 9 மணிக்கு பத்ரகாளியம்மன் நூதன அலங்காரத்தில் திருவீதி உலா வருகிறார். 4-ந்தேதி மாலை 5 மணிக்கு மறுபூஜையுடன் விழா நிறைவடைகிறது.