பொங்கல் பண்டிகை விடுமுறையையொட்டி சென்னை, கோவை, பெங்களூரு உள்ளிட்ட வெளியூர்களில் தங்கி இருந்து பணிபுரிகிறவர்கள் அவரவர் சொந்த ஊருக்கு வந்தனர். இந்த நிலையில் ஒரு சில பள்ளிகள் விடுமுறை முடிந்து இன்று (சனிக்கிழமை) திறக்கப்படுகிறது. இதையொட்டி சொந்த ஊருக்கு வந்திருந்தவர்கள் தங்களது குழந்தைகளை அழைத்துக் கொண்டு நேற்று புறப்பட்டனர். இதேபோல் தனியார் நிறுவனங்களில் பணிபுரிகிறவர்கள் மற்றும் தொழில் நிறுவனத்தினரும் நேற்று புறப்பட்டனர்.

அவர்கள் நெல்லை சந்திப்பு ரெயில் நிலையத்தில் குவிந்தனர். அந்தியோதயா, கன்னியாகுமரி, நெல்லை, அனந்தபுரி, செந்தூர் உள்ளிட்ட எக்ஸ்பிரஸ் ரெயில்களில் ஏறி சென்னைக்கு புறப்பட்டு சென்றனர். இந்த ரெயில்களில் முன்பதிவு பெட்டிகள் நிரம்பியதுடன், பொது பெட்டிகளில் நெருக்கடியாக நின்று கொண்டே பயணிகள் பயணம் செய்தனர்.