செங்கல்பட்டு மாவட்டம், கல்பாக்கத்தில் இந்திய அணுமின் கழகம் நிர்வகிக்கும் சென்னை அணுமின் நிலையம் மற்றும் இந்திரா காந்தி அணுஆராய்ச்சி மையம் ஆகியவை இயங்கி வருகிறது. இங்கு மின் உற்பத்திக்காக 2 அலகுகளில் தலா 220 மெகாவாட் மின் உற்பத்தி செய்யப்பட்டு வருகிறது. இங்கு உற்பத்தி செய்யப்படும் மின்சாரம் தமிழ்நாடு, கர்நாடகா, ஆந்திரா ஆகிய மாநிலங்களுக்கு பகிர்ந்து அளிக்கப்பட்டு வருகிறது. இந்த நிலையில், கடந்த 2018-ம் ஆண்டு ஜனவரி மாதம் முதல் அலகின் வினைகலன் பழுதடைந்து தற்போது வரை இயங்காமல் முடங்கி உள்ளது. 2-ம் அலகு மூலம் மட்டுமே மின்சாரம் உற்பத்தியாகி வந்த நிலையில் 2-ம் அலகின் நீராவி கடத்தும் குழாய் வால்வில் திடீர் பழுது காரணமாக 16-ந் தேதி முதல் மின் உற்பத்தி நிறுத்தப்பட்டது.