சென்னிமலையில் உள்ள முருகன் கோவிலுக்கு செல்ல 1,320 படிக்கட்டுகளும், 9 வளைவுகளை கொண்ட 4 கிலோ மீட்டர் தூரத்திற்கு தார்சாலையும் உள்ளது. விஷேச நாட்கள் மட்டுமின்றி அனைத்து நாட்களிலும் சென்னிமலை முருகன் கோவிலுக்கு பக்தர்கள் பலர் வந்து செல்வதுண்டு. உள்ளூர் மட்டுமின்றி வெளியூர்களில் இருந்தும் பக்தர்கள் வாகனங்களில் வந்து முருகனை தரிசித்து செல்கிறார்கள்.

தற்போது கொரோனா வைரஸ் பரவுதலை தடுக்கும் வகையில் நாடு முழுவதும் பிறப்பிக்கப்பட்ட ஊரடங்கு உத்தரவு காரணமாக சென்னிமலை முருகன் கோவிலும் கடந்த 27 நாட்களாக மூடப்பட்டுள்ளது. ஆனால் தினமும் 6 கால பூஜைகள் மட்டும் முருகனுக்கு நடைபெற்று வருகிறது.